Весела сёння было ў Смаргонскім гісторыка-краязнаўчым музеі! Напярэдадні Дня Жанчын сапраўдны вясенні настрой падарыў прысутным узорны фальклорны гурт “Нальшчаначка” ДУА “Жодзішкаўская сярэдняя школа”. На этнадыскатэцы “Скокі ва ўсе бокі” танчылі ўсе!
24 лютага ў Смаргонскім РЦК прайшла выніковая калегія “Аб выніках працы аддзела культуры Смаргонскага раённага выканаўчага камітэта за 2024 год і прыярытэтныя накірункі дзейнасці на 2025 год”. Праца Смаргонскага гісторыка-краязнаўчага музея не засталася без увагі. Прыемна адзначыць, што сярод узнагароджаных работнікаў культуры, ёсць прадстаўнікі нашага музея. За шматгадовую плённую працу, асабісты ўклад у патрыятычнае выхаванне падрастаючага пакалення і захаванне гісторыка-культурнай спадчыны Ганаровай граматай Гродзенскага абласнога камітэта ўзнагароджана навуковы супрацоўнік музея Вольга Самаркіна. Загадчык сектара гісторыі Крэўскага замка Піліп Караткоў адзначаны Ганаровай граматай аддзела культуры Смаргонскага раённага выканаўчага камітэта.
Прэзентацыя кнігі "Сморгонский район: история, современность, будущее", да 85-годдзя ўтварэння раёна праходзіць у Смаргонскім раённым цэнтры культуры. Гісторыка-краязнаўчы музей у рамках дадзенага мерапрыемства прадставіў выязную выставу "Край родны, табой ганаруся!"
У Смаргонскім гісторыка-краязнаўчым музеі сёння ўрачыста адкрылася выстава "Край родны, табой ганаруся!", прымеркаваная да 85-годдзя ўтварэння Смаргонскага раёна. На выставе прадстаўлены матэрыялы ад вытокаў раёна і да сучаснасці: аднаўленне і развіццё сельскай гаспадаркі, работа прамысловых прадпрыемстваў, развіццё культуры, адукацыі, аховы здароўя, будаўніцтва горада.
Запрашаем усіх наведаць наш музей і пазнаёміцца бліжэй з гісторыяй раёна.
20 снежня, напярэдадні навагодніх святаў, у музей на “Калядныя вячоркі” завіталі навучэнцы 2 “А” класа гімназіі, якія ў гульнёвай форме пазнаёміліся з традыцыяй святкавання Каляд. Дзеці пераўвасобіліся ў сапраўдных калядоўшчыкаў, вывучылі велічальныя песні і разам з Калядой і мядзведзем адправіліся калядаваць. Пагулялі, патанчылі, атрымалі салодкі пачастунак ад Гаспадыні-абараначніцы, і нават дапамаглі запаліць Калядную зорку.
40 год Смаргонскаму музею!
Святочная імпрэза, прымеркаваная да юбілейнай даты, прайшла сёння ў Смаргонскім гісторыка-краязнаўчым музеі. Традыцыйна святкавалі разам з сябрамі, прымалі віншаванні і падарункі. Знаёмілі гасцей са скарбамі Смаргонскага музея, прадстаўленымі на аднайменнай выставе.
Юбілей - гэта магчымасць успомніць мінулае, пагаварыць пра сучаснае і падумаць пра будучае. Успомнілі! Пагаварылі! Загадалі жаданні і зрабілі вывад - у 40 год жыццё толькі пачынаецца!
З Вамі і для Вас Смаргонскі гісторыка-краязнаўчы музей!
Сегодня выставку "Многоцветие рукотворчества" в Сморгонском историко-краеведческом музее, посвященную неделе родительской любви, посетили учащиеся 7 класса средней школы №2 г. Сморгони. Ребята познакомились с творчеством мастеров-ремесленников Сморгонщины, а также поучаствовали в мастер-классе по традиционной вышивке, который провела член Союза мастеров Беларуси Зофья Войтко.
