Навіны

Свята "Крэва на скрыжалях часу" адбылося ў Крэўскім замку. Рэканструкцыя падзей 2-ой паловы 16 - 17 стст., марш ганаровай Крэўскай варты, выстава - продаж майстроў народнай творчасці, музыка і танцы, гульні ды конкурсы чакалі гасцей на замкавай тэрыторыі. Знакавым стала выступленне  даследчыка Крэўскага замка, вядучага навуковага супрацоўніка Інстытута гісторыі НАН Беларусі, кандыдата гістарычных навук Алега Іванавіча Дзярновіча, які распавёў прысутным пра апошнія навіны з раскопак у замку. Выступленне фальклорнага гурта "Арацэя" стала цудоўным завяршэннем святочнай праграмы.

Фота

УК "Смаргонскі гісторыка-краязнаўчы музей" адзначае Дзень Незалежнасці Рэспублікі Беларусь выязной выставай "Героі сярод нас".

Фота

Ва ўстанове культуры "Смаргонскі гісторыка-краязнаўчы музей" прайшла гістарычная гадзіна "Была вайна..." прымеркаваная да дня ўсенароднай памяці ахвяр Вялікай Айчыннай вайны і генацыду беларускага народа.

17 чэрвеня Смаргонскі гісторыка-краязнаўчы музей прыняў удзел у святкаванні фестывалю-кірмашу "Смаргонскія абаранкі" прымеркаванага да 520-годдзя г. Смаргонь. На пляцоўцы гістарычнага факультэта "Абаранкавай акадэміі" ў гарадскім парку жыхароў і гасцей нашага горада чакалі анімацыйная праграма "Мядзведзь Барута і абаранкавыя гісторыі", пазлы "Кірмашовыя забавы", лялечны тэатр, квэст ды іншыя цікавосткі.
Віншуем усіх з юбілеем горада!

Фота

Фота

Паважаныя наведвальнікі! У сувязі з адсутнасцю супрацоўніка сектара гісторыі Крэўскага замка, экскурсійнае абслугоўванне будзе праводзіцца супрацоўнікамі УК "Смаргонскі гісторыка-краязнаўчы музей" па наступным графіку: пятніца - субота з 09.00 да 18.00; перапынак на абед з 13.00 да 14.00.
Экскурсійнае абслугоўванне з аўторка па чацвер магчыма толькі па папярэдняй замове ( за тыдзень да даты наведвання).
Тэл. (801592)38849, (801592)46973.

"Вялікае княства Крэўскае: учора, сёння, заўтра"! У Крэўскім замку прайшла Ноч музеяў. Экскурсія з элементамі тэатралізацыі, выстава артэфактаў, знойдзеных пры раскопках у аг.Крэва, квэст-гульня, сярэднявечныя забавы ды салодкія пачастункі чакалі гасцей мерапрыемства. Удзельнікі Ночы музеяў сталі сведкамі адкрыцця новай Крэўскай традыцыі - праход ганаровай варты ад замкавай брамы да вежы-дазорцы на Юравай гары.
Фотарэпартаж і артыкул Аксаны Гейбовіч. 

https://www.shliah.by/news/obshhestvo/kultura/news32616.html

Дзень Перамогі Смаргонскі гісторыка-краязнаўчы музей адзначыў выязной выставай "Смаргонь партызанская". У гарадскім парку жыхары і госці нашага горада змаглі пазнаёміцца з прадметамі партызанскага побыту. Асаблівая ўвага была нададзена сапраўднаму партызанскаму журналу.  Дарослыя і дзеці паглыбляліся ў гісторыю: цікавіліся экспанатамі, удзельнічалі ў віктарыне. Навуковы супрацоўнік музея В.І. Самаркіна падрыхтавала і правяла квэст для школьнікаў "Зоркі героям вайны".
Супрацоўнікі УК "Смаргонскі гісторыка-краязнаўчы музей" ад усяго сэрца віншуюць усіх з Днём Перамогі!

Фота

Паважаныя наведвальнікі!
 
У рамках правядзення рэспубліканскага культурнага патрыятычнага мерапрыемства «Ніхто не забыты, нішто не забыта» УК "Смаргонскі гісторыка-краязнаўчы музей" 9 мая 2023 года з 09.00 да 17.00 прадастаўляе бясплатнае наведванне пастаяннай і часовай экспазіцый музея.

Ва ўстанове культуры "Смаргонскі гісторыка-краязнаўчы музей" адбылося ўрачыстае адкрыццё выставы "Крэўскія артэфакты", сумеснай з Інстытутам гісторыі Нацыянальнай акадэміі навук Беларусі.
Гэта, на самой справе, унікальная выстава прадметаў, знойдзеных пад час археалагічных даследаванняў старажытнага Крэва. Вядучы навуковы супрацоўнік Інстытута гісторыі, кандыдат гістарычных навук, даследчык Крэўскага замка А.І. Дзярновіч правёў для гасцей мерапрыемства цікавую і змястоўную экскурсію. 18 прадметаў 5 мая 2023 года былі перададзены дырэктарам дзяржаўнай навуковай установы "Інстытут гісторыі Нацыянальнай акадэміі навук Беларусі" В.Л. Лакізай нашаму музею на пастаяннае захоўванне. Гэта гістарычны момант не толькі для нашага музея, але і для ўсяго Смаргонскага раёна.

Запрашаем усіх наведаць выставу "Крэўскія артэфакты", вас чакаюць арыгінальныя экспанаты 13-14 стагоддзяў!

Фота