Навіны

26 красавіка 1986 года. Гэты дзень запомніўся як адзін з самых страшных дзён для ўсяго свету. Роўна 35 гадоў таму адбылася найбуйнейшая за ўсю гісторыю атамнай энергетыкі аварыя на Чарнобыльскай атамнай электрастанцыі.
У 01: 23: 47 у суботу на 4-м энергаблоку Чарнобыльскай АЭС адбыўся выбух, які цалкам разбурыў рэактар. Некалькі сотняў работнікаў і пажарных спрабавалі патушыць пажар, які гарэў 10 дзён. Свет воблака ахутала радыяцыі. Тады загінулі многія супрацоўнікі станцыі і пацярпелі сотні ратавальнікаў. Вызначыць маштабы катастрофы і яе ўплыў на здароўе людзей да гэтага часу цяжка-толькі ад раку, які развіўся ў выніку атрыманай дозы радыяцыі, памерлі ад 4 да 200 тысяч чалавек. З 30-кіламетровай зоны адчужэння вакол АЭС было эвакуіравана ўсё насельніцтва - больш за 115 тысяч чалавек. Горад Прыпяць і навакольныя раёны яшчэ некалькі стагоддзяў будуць небяспечнымі для пражывання людзей.
Вырасла ўжо цэлае пакаленне, якое не застала гэтую жудасную трагедыю, але 26 красавіка мы традыцыйна ўспамінаем

22 красавіка 2021 года у Смаргонскім музеі адбылася творчая сустрэча, арганізаваная раённым Домам рамёстваў, з народнымі майстрамі Беларусі па лазапляценні Мускай Людмілай Анатольеўнай і Мускім Аляксандрам Андрэевічам і з майстрам па вышыўцы Войтка Зоф'ей Іванаўнай. Майстры расказалі, як пачынаўся іх творчы шлях і аб сваіх дасягненнях на сённяшні дзень, а таксама правялі майстар-клас для прысутных гасцей.

Вызначаны пераможцы Фотаконкурса "СЛАВУТАСЦІ МАЁЙ МАЛОЙ РАДЗІМЫ":
1 месца - Арына Самаркіна. Касцёл святога Міхаіла Арханёла;
2 месца - Наталля Дыско. Спаса-Праабражэнскі сабор;
3 месца - Анна Ханевіч. Музей-сядзіба М.К. Агінскага.
Віншуем пераможцаў і чакаем для ўзнагароды ў нашым музеі 22 красавіка ў 16.00!!! 

АКЦЫЯ "МЫ - ГЭТА ПАМЯЦЬ"!
Напярэдадні вялікага свята Дня Перамогі УК " Смаргонскі гісторыка-краязнаўчы музей» запрашае прыняць удзел у акцыі па зборы матэрыялаў з хатніх архіваў жыхароў Смаргонскага раёна. Калі ў вас захаваліся Ваенныя лісты, успаміны пра вайну, ваенныя фатаграфіі, то прыносіце іх (або іх лічбавыя копіі) да нас у музей або дасылайце па пошце museumsmorgon@tut.by. Захаваем памяць разам!

19 красавіка  філіял “Гарадская дзіцячая бібліятэка” правёў  краязнаўчы дыліжанс “Гістарычныя скарбы роднага краю”, прысвечаны Міжнароднаму дню помнікаў і гістарычных мясцін. На мерапрыемства былі запрошаны вучні 8 “Б” класа ДУА “Сярэдняя школа  №5”. Вядучая Дзембіцкая А.А. расказала гісторыю ўзнікнення Міжнароднага дня помнікаў і гістарычных мясцін, а дырэктар УК “Смаргонскі гісторыка-краязнаўчы музей” Алена Вячаславаўна Бобіна  з  дапамогай мультымедыйнай прэзентацыі распавяла аб помніках Смаргонскага краю: Крэўскім замку, Кальвінскім зборы, Касцёле Маці Божай Ружанцовай у аг. Солы, музеі-сядзібе Ф. Багушэвіча і г.д. Маладыя людзі актыўна задавалі пытанні і былі вельмі ўдзячныя Алене Вячаславаўне за змястоўны і пазнавальны аповед. Была аформлена аднаіменная выстава, зроблены агляд літаратуры, а віктарына “Знаешь ли ты памятники Сморгонщины?” замацавала атрыманыя веды.

16 красавіка 2021 года ў рамках правядзення рэспубліканскага суботніка супрацоўнікі УК “Смаргонскі гісторыка-краязнаўчы музей” ажыццявілі добраўпарадкаванне тэрыторыі гісторыка-культурнага комплексу пад адкрытым небам “Залатая горка”. Смаргонскім “РУП ЖКГ” былі праведзены работы па частковым устраненні аварыйных канструкцый на тэрыторыі аб’екта.

Фота гл. ў ФОТАГАЛЕРЭІ

22 красавіка ў 12.00 у Смаргонскім гісторыка-краязнаўчым музеі адбудзецца творчая сустрэча з народнымі майстрамі Беларусі па лазапляценню Мускім Аляксандрам Андрэевічам і Мускай Людмілай Анатольеўнай, а таксама з майстрам па вышыўцы Войтка Зоф'ей Іванаўнай. Арганізатар - Раённы Дом рамёстваў. Запрашаем усіх жадаючых!!!

Выхавальніца ДУА “Яслі-сад № 8 г. Смаргоні” Эдзіта Бранцэвіч падаравала нашаму музею сямейную драўляную калыску адной сваёй выхаванкі. Гісторыю гэтага старадаўняга вырабу распавёў тата дзяўчынкі Ігар Найдзіч: “У калысцы выгадавалася некалькі пакаленняў нашай сям’і. Існавала нават традыцыя – усе дзеці павінны былі паспаць у гэтым ложачку, каб быць здаровымі. Калыска зробленая з сасны і лазы, матрац быў напоўнены сенам. Зрабіў калыску пад замову сваяк сям’і, майстар-самавучка Зыгмунд Бобек, чалавек з залатымі сэрцам і рукамі. Майстар умеў усё: будаваць хаты, рабіць мэблю, іграць на музычных інструментах і маляваць карціны. Яго работы ёсць у многіх кутках Беларусі і нават у Польшчы”. Дзякуем Эдзіту за падарунак! Мы абавязкова знойдзем месца гэтай унікальнай сямейнай рэчы.

11 красавіка адзначыў свой 75-гадовы юбілей наш вядомы зямляк Уладзімір Васільевіч Церабун. Член Беларускага саюза мастакоў, заслужаны дзеяч мастацтваў Рэспублікі Беларусь, лаўрэат прэміі Ленінскага камсамола Беларусі, Ганаровы грамадзянін Смаргоні, скульптар, мастак, графік. Яго творы ўстаноўлены ў розных кутках Беларусі, а наш родны горад упрыгожваюць восем яго работ. Сапраўдны сябра Смаргонскага музея, які з задавальненнем удзельнічае ў нашых мерапрыемствах і дапамагае ў іх арганізацыі, які папаўняе музейныя фонды сваімі работамі. Сардэчна віншуем Вас, паважаны Уладзімір Васільевіч, і жадаем моцнага здароўя, творчых поспехаў і натхнення!

     11 красавіка адзначаецца Міжнародны дзень вязняў нацысцкіх канцлагераў. У гэты дзень у 1945г. зняволенныя канцлагера Бухенвальд, што на тэрыторыі сучаснай Бельгіі, паднялі паўстанне і тым самым здолелі здабыць свабоду.

9 красавіка 2021г.  у філіяле “Гарадская бібліятэка №3” Смаргонскай раённай бібліятэкі прайшло мерапрыемства, падрыхтаванае супрацоўнікамі бібліятэкі, прысвечанае памятнай даце. Галоўны  захавальнік фондаў УК “Смаргонскі гісторыка-краязнаўчы музей” Павел Пятровіч Картавік выступіў с прэзентацыяй, у якой распавёў гісторыю стварэння канцлагераў на тэрыторыі нацысцкай Германіі і на землях акупаваных краін. Таксама вялікая ўвага была нададзена ўмовам утрымання зняволеных, жудасным спосабам знішчэння людзей, якія ўжываліся нацыстамі. Былі прадстаўлены  ілюстрацыі архіўных фотаздымкаў з канцлагераў Асвенцым, Бухевальд, Маутхаузен, Раверсбрюк. Напрыканцы свайго выступлення  галоўны захавальнік распавёў пра тры  канцлагеры, якія знаходзіліся на тэрыторыі Смаргонскага раёна. Пасля слова было прадастаўлена вязню лагера на терыторыі Усходняй Прусіі, які распавёў сваю гісторыю перажытага ў гады вайны. Завяршылася мерапрыемства чуллівым чытаннем фрагмента паэмы Р. Раждзественскага “Рэквіем”.

8 красавіка 2021 года галоўны захавальнік фондаў УК “Смаргонскі гісторыка-краячзнаўчы музей” Павел Пятровіч Картавік правёў сустрэчу з вучнямі 11 класа сярэдняй школы  №3 г. Смаргоні на тэму “Роля музеяў у захаванні матэрыяльнай і духоўнай спадчыны”. Вучні даведаліся аб працэсе збору, вывучэння і папулярызацыі матэрыяльнай і духоўнай культуры Смаргоншчыны . Маладыя людзі актыўна задавалі пытанні і былі вельмі ўдзячныя за змястоўны і пазнавальны расповед.

Фотаконкурс "СЛАВУТАСЦІ МАЁЙ МАЛОЙ РАДЗІМЫ" 
(да Міжнароднага дня помнікаў і гістарычных мясцін) 
Правілы фотаконкурсу вельмі простыя! 
1. Размяшчайце фотаздымкі помнікаў архітэктуры і гістарычных мясцін Смаргонскага краю ў каментарах пад публікацыяй аб дадзеным конкурсе на старонках музея ў сацыяльных сетках "Вконтакте», «Аднакласнікі», «Фэйсбук». 
2. Пакідайце свае подпісы пад фота (па жаданні апісанне і назву фотаздымка). 
3. Запрашайце сваіх сяброў паўдзельнічаць у конкурсе, стаўце лайкі і пакідайце каментары пад фота. 
Работы прымаюцца з 9 па 18 красавіка. 
Пераможцы конкурсу будуць аб’яўлены 22 красавіка! Аўтары трох работ будуць узнагароджаны цікавымі прызамі! 
Чакаем вашых фотаздымкаў і жадаем поспехаў усім удзельнікам!!!

"КРЭЎСКІ ШЛЯХ" - 46 руб.

“ПРАВАСЛАЎНЫЯ СВЯТЫНІ СМАРГОНШЧЫНЫ” - 62 руб.

"ПА СЛЯДАХ ТЫШКЕВІЧА" - 87 руб.

“НАЦЫЯНАЛЬНЫЯ СКАРБЫ: АД СЕРГІЕВІЧА ДА БАГУШЭВІЧА" - 33 руб.

АБ`ЕКТЫ
1. УК “Смаргонскі гісторыка-краязнаўчы
    музей” (г. Смаргонь, вул. Кутузава, 23)
2. Руіны храма ў в. Наваспаск
3. Гарадзішча ў аг. Крэва
4. Руіны Крэўскага замка 
5. Царква Аляксандра Неўскага ў аг. Крэва
6. Касцёл Перамянення Пана ў аг. Крэва