15 мая 2021 года ва ўстанове культуры “Смаргонскі гісторыка-краязнаўчы музей” у рамках рэспубліканскай акцыі “Мая сям’я – мая краіна” прайшла акцыя “Сямейныя каштоўнасці”, якая дала магчымасць дзецям-сіротам і дзецям з прыёмных сямей бясплатна наведаць музей. Такой магчымасцю з задавальненнем скарыстаўся 41 маленькі смаргонец. Для дзвюх груп дзяцей было праведзены 4 пазнавальныя экскурсіі па пастаяннай экспазіцыі і дзеючых выставах.
18 мая ў Смаргонскім музеі адбылася прэзентацыя турыстычных маршрутаў, якія прапануе музей для наведвальнікаў: "Праваслаўныя святыні Смаргоншчыны", "Па слядах Тышкевіча", "Крэўскім шляхам", "Нацыянальныя скарбы: ад Сергіевіча да Багушэвіча", "Забытыя сляды гісторыі", "Сцежкай вайны". На прэзентацыі прысутнічалі прадстаўнікі ўстаноў адукацыі, прадпрыемстваў і прафсаюзаў арганізацый.
18 мая, у Міжнародны дзень музеяў, установа культуры “Смаргонскі гісторыка-краязнаўчы музей” запрашае ўсіх жадаючых бясплатна наведаць выставы з фондаў музея!
У 14.30 і 16.00 адбудуцца прэзентацыі новых турыстычных маршрутаў музея для прадстаўнікоў устаноў адукацыі, прадпрыемстваў і прафсаюзных арганізацый Смаргонскага раёна.
21 мая ў 18.00 запрашаем ва ўстанову культуры “Смаргонскі гісторыка-краязнаўчы музей” на анімацыйную праграму “Пане Каханку і цыганская каранацыя”! У праграме: тэатралізаванае прадстаўленне, выстава аднаго прадмета “Слуцкі пояс”, прэзентацыя кнігі Паўла Картавіка “Смаргонь на старонках памятных кніжак Віленскай губерніі”, канцэрт народнага струннага ансамбля “Кантрасты”. Уваходны білет – 5 рублёў.
7 мая 2021 года ў рамках патрыятычнай акцыі "Падарунак ветэрану Вялікай Айчыннай вайны" установа культуры "Смаргонскі гісторыка-краязнаўчы музей" у асобе дырэктара Алены Вячаславаўны Бобінай павіншавала ветэрана Вялікай Айчыннай вайны Гержова Яўгенія Аляксеевіча з надыходзячым Днём Перамогі і ўручыла памятны падарунак. З кожным годам колькасць абаронцаў нашай Айчыны ў вайне 1941-1945 гг. скарачаецца, і таму ветэраны павінны яшчэ мацней адчуваць нашу ўдзячнасць і павагу да іх саміх і іх неўміручага подзвігу.
Дыялог пакаленняў “Вайна вачыма дзяцей”, так называецца мерапрыемства, якое прайшло ў музеі 6 мая 2021 года. Яно было прысвечана памяці не толькі тых, хто гераічна змагаўся на фронце, але і тых, хто не менш гераічна ваяваў і самааддана працаваў ў тыле. У сустрэчы прынялі ўдзел Ручыца Дар’я Уладзіміраўна, Петухіна Таццяна Якаўлеўна і Саўчук Анатоль Платонавіч – пакаленне дзяцей вайны, і маладое пакаленне – навучэнцы 9 і 10 класаў СШ №1 і СШ №6 г. Смаргоні.
Ручыца Д.У. расказала аб цяжкім ваенным лёсе свайго бацькі Уладзіміра Афанасьевіча, які з’яўляўся арганізатарам і кіраўніком падпольнай групы, жыццё якога скончылася ў канцлагеры Штутгаф. І сваёй маці Юліі Аляксандраўне, якая нягледзячы на шматлікія выпрабаванні засталася адданай Радзіме. Сваімі ўспамінамі аб складаным ваенным дзяцінстве падзялілася Таццяна Якаўлеўна. З цікавасцю распавядаў аб апошніх месяцах вайны на фронце і пераможным, памятным маі 1945 года Анатоль Платонавіч Саўчук.
На прыканцы сустрэчы звярнулася да гасцей з віншавальнымі словамі і ўручыла памятныя сувеніры і кветкі дзецям вайны дырэктар музея Алена Вячаславаўна Бобіна.
Смаргонскі гісторыка-краязнаўчы музей віншуе ўсіх з надыходзячым святам - Днём Перамогі!
Фота гл. ў раздзеле ФОТАГАЛЕРЭЯ
ВІДЭА гл. па спасылке https://youtu.be/Zt7wjSdVn68
С 23 по 25 апреля 2021 года в Минске в помещении «Экспобел» прошла XXIII-я международная ярмарка туристических услуг «Отдых- 2021». Участники выставки – отделы спорта и туризма различных районов Беларуси, туристические фирмы Республики Беларусь, Российской Федерации, Индии, Турции и ряда других стран, сотрудники некоторых музеев и агроусадеб Республики Беларусь предлагали посетителям выставки печатную, сувенирную продукцию, визуальные ролики с описанием различных экскурсионных маршрутов по Беларуси и по своим странам.
Второй раз в этой выставке принимали участие сотрудники Сморгонского историко-краеведческого музея в лице главного хранителя фондов Картавика П.П., а также сотрудника отдела спорта и туризма Сморгонского райисполкома Царик Е.И. Они привезли на выставку печатную продукцию в целях рекламы туристических и экскурсионных услуг, предоставляемых отделом спорта и туризма Сморгонского райисполкома и Сморгонским историко-краеведческим музеем.
На отдельной конференции, проходившей в рамках выставки, её участники презентовали свои новые туристические и экскурсионные маршруты. Главный хранитель фондов музея Картавик П.П. представил новый маршрут «Забытые следы истории», разработанный совместно со специалистами отдела спорта и туризма Сморгонского райисполкома. В рамках туристического маршрута гостям и туристам предлагалось узнать неизвестные страницы еврейской истории нашего края, посетить город Сморгонь, агрогородок Крево и место захоронения сморгонских и кревских евреев около хутора Зелёнка Ошмянского района.
Участники выставки надеются, что участие в ней поможет развитию туристического потенциала Сморгонщины и привлечет новых посетителей в Сморгонский историко-краеведческий музей.
23 красавіка 2021 года ў філіяле “Гарадская бібліятэка №3” дзяржаўнай установы культуры “Смаргонская раённая бібліятэка” адбылася прэзентацыя памятнай кнігі-альбома “Веліч малой Радзімы”, прысвечанай самабытнай мастачцы Ліліі Трохалевай. Яе аўтарамі і стваральнікамі былі заслужаны дзеяч мастацтваў Рэспублікі Беларусь Уладзімір Церабун, карэспандэнт установы “Рэдакцыя газеты “Светлы шлях” Галіна Антонава і мастак УК “Смаргонскі гісторыка-краязнаўчы музей” Дзмітрый Ярмак, які сёння дзеліцца сваімі ўспамінамі аб рабоце над стварэннем дадзенага альбома:
“Мне вельмі падабаецца гуляць па маршруце ўздоўж ракі Оксны, пачынаючы ад раённай бальніцы аж да самой Віліі, здымаць квадракоптарам пейзажы папулярных месцаў для адпачынку і прагулак. У выніку такіх вандровак у 2019 годзе сумесна са Смаргонскім музеем я распрацаваў веласіпедна-пешую экскурсію для жыхароў і гасцей горада, якую назваў “Уздоўж Оксны”. На стварэнне гэтага маршрута мяне натхнілі карціны Ліліі Уладзіміраўны Трохалевай.
Зацікаўленасць да работ Трохалевай у мяне пачалася з такой гісторыі. Неяк да нас у музей прыкладна ў 2015 годзе прыйшлі жыхаркі вёскі Перавессе. Калі яны ўбачылі карціну “Старыя чаромхі”, адна з іх нават заплакала: “Гэта ж нашы месцы 40 гадоў таму. Я яшчэ памятаю, як тут, пад гэтымі чаромхамі, у рацэ, доўгі час ляжала парася”.
Я не вытрымаў і спытаў, дзе знаходзіцца паварот на Оксне. Аказалася, гэта па дарозе, якая пачынаецца за Баравым млынам, што на вуліцы Камінскага (былой Вілейскай). Я сеў на ровар і паехаў у зададзеным накірунку. Знайшоў рачны паварот і чаромхі. Пастаяў, зафіксаваў і адправіўся далей да самага маста праз Вілію. А потым пайшоў уздоўж Віліі, у бок вёскі Рыбакі і знайшоў там месцы, дзе Лілія Трохалева напісала некалькі работ пра дубы. Пазней я заўважыў, што на карціне “Дубы над Віліяй” адна старадрэвіна пахілілася да ракі, але не ўпала. Цяпер гэты дуб ужо ляжыць на дне і рыбакі з яго любяць рыбачыць.
Прыкладна напрыканцы 2016 года я пачаў збіраць калекцыю фотаздымкаў карцін Трохалевай. Я вырашыў, што буду павольна гэта рабіць, а ў будучым падрыхтую часопіс пад назвай “Кола жывапісу” і першы нумар прысвячу Ліліі Трохалевай.
Летам 2020 года я папрасіў Уладзіміра Церабуна дапамагчы мне ў пошуку карцін Трохалевай. Уладзімір Васільевіч паставіўся да гэтай справы з пачуццём асабістай зацікаўленасці і прыкладна восенню таго ж года сказаў, што хоча сумесна з журналістам газеты “Светлы шлях” Галінай Антонавай выдаваць чарговую кнігу аб’ёмам прыкладна каля 100 старонак, прысвечаную Ліліі Уладзіміраўне Трохалевай. Я перадаў Уладзіміру Церабуну ўсе свае фотаздымкі і папку з матэрыяламі пра мастачку, сабраную супрацоўнікамі Смаргонскага музея для будучай кнігі. Я разумеў, што стварыць “кніжны помнік” Трохалевай мне аднаму яшчэ невядома, калі атрымаецца.
Галіна Антонава прыняла вельмі актыўны ўдзел у працы над кнігай. Яна па ўсіх сваіх каналах, нібы радар, здабывала інфармацыю пра жыццёвы і творчы шлях нашай гераіні. Напрыклад, праз Інтэрнэт яна звязалася з Валянцінай, дачкой Ліліі Трохалевай, якая жыве на Віцебшчыне, і з унукам Дзянісам (сынам другой дачкі), ён жыве ў Мінску. Сабрала ад іх і іншых людзей, якія добра ведалі Лілію Уладзіміраўну, нямала каштоўнай інфармацыі. Галіна Антонава правяла сапраўднае даследаванне біяграфіі Трохалевай. Яна таксама пачала рабіць фотаздымкі тых работ мастачкі, якія знаходзяцца ў прыватных калекцыях жыхароў не толькі Смаргоні. Акрамя гэтага, Галіна і дызайнер газеты “Светлы шлях” Вадзім Берзінь пад чулым кіраўніцтвам Уладзіміра Церабуна аддалі нямала часу на стварэнне макета кнігі.
Прыкладна паўгода спатрэбілася галоўнаму ініцыятару Уладзіміру Васільевічу Церабуну і Галіне Антонавай для напісання і выдання кнігі”.
Дзмітрый ЯРМАК.
26 красавіка 1986 года. Гэты дзень запомніўся як адзін з самых страшных дзён для ўсяго свету. Роўна 35 гадоў таму адбылася найбуйнейшая за ўсю гісторыю атамнай энергетыкі аварыя на Чарнобыльскай атамнай электрастанцыі.
У 01: 23: 47 у суботу на 4-м энергаблоку Чарнобыльскай АЭС адбыўся выбух, які цалкам разбурыў рэактар. Некалькі сотняў работнікаў і пажарных спрабавалі патушыць пажар, які гарэў 10 дзён. Свет воблака ахутала радыяцыі. Тады загінулі многія супрацоўнікі станцыі і пацярпелі сотні ратавальнікаў. Вызначыць маштабы катастрофы і яе ўплыў на здароўе людзей да гэтага часу цяжка-толькі ад раку, які развіўся ў выніку атрыманай дозы радыяцыі, памерлі ад 4 да 200 тысяч чалавек. З 30-кіламетровай зоны адчужэння вакол АЭС было эвакуіравана ўсё насельніцтва - больш за 115 тысяч чалавек. Горад Прыпяць і навакольныя раёны яшчэ некалькі стагоддзяў будуць небяспечнымі для пражывання людзей.
Вырасла ўжо цэлае пакаленне, якое не застала гэтую жудасную трагедыю, але 26 красавіка мы традыцыйна ўспамінаем
22 красавіка 2021 года у Смаргонскім музеі адбылася творчая сустрэча, арганізаваная раённым Домам рамёстваў, з народнымі майстрамі Беларусі па лазапляценні Мускай Людмілай Анатольеўнай і Мускім Аляксандрам Андрэевічам і з майстрам па вышыўцы Войтка Зоф'ей Іванаўнай. Майстры расказалі, як пачынаўся іх творчы шлях і аб сваіх дасягненнях на сённяшні дзень, а таксама правялі майстар-клас для прысутных гасцей.
Вызначаны пераможцы Фотаконкурса "СЛАВУТАСЦІ МАЁЙ МАЛОЙ РАДЗІМЫ":
1 месца - Арына Самаркіна. Касцёл святога Міхаіла Арханёла;
2 месца - Наталля Дыско. Спаса-Праабражэнскі сабор;
3 месца - Анна Ханевіч. Музей-сядзіба М.К. Агінскага.
Віншуем пераможцаў і чакаем для ўзнагароды ў нашым музеі 22 красавіка ў 16.00!!!
