Навіны
Сегодня в нашем музее, в рамках Дней энергии, прошёл круглый стол «Энергосбережение. Начни с себя.» В таком сложном, но очень важном вопросе разбирались совсем ещё юные граждане нашей страны – ученики 3 «Б» класса гимназии. Ребята активно отвечали на вопросы, отгадывали загадки, разбирались в различных проблемных ситуациях, связанных с потеряй энергии. Также ученики просмотрели видеоролик по заданной теме и ответили на вопросы викторины по нему. Все участники круглого стола получили памятки «Учимся беречь энергию!», а активисты-всезнайки получили ещё и памятные подарки.
8 кастрычніка 2021года ў Смаргонскім музеі адбылася святочная вечарына “Алея зорак”, прысвечаная паэтам, пісьменнікам, скульптарам, мастакам і музыкантам, юбілярам-землякам Смаргоншчыны 2021 года, асобам, чыё жыццё звязана з малой радзімай - Віктар Роўда, Аляксандр Дзяруга, Аляксандр Шыдлоўскі, Алесь Салагуб, Майсей Кульбак, Павел Савоська, Алла Клемянок, Уладзімір Някляеў, Ісаак Іткінд, Уладзімір Церабун, Анатоль Бяляўскі, Аляксандр Іваноў.
З нагоды юбілея Алу Леанідаўну Клемянок, беларускую паэтку, сябра Саюза беларускіх пісьменнікаў віншавалі: Ганна Аляксандраўне Ханевіч, галоўны спецыяліст аддзела культуры Смаргонскага райвыканкама, Алена Вячаславаўна Бобіна, дырэктар Смаргонскага гісторыка- краязнаўчага музея і былыя ўдзельнікі дзяцячага гуртка журналістыкі Ільясевіч Ангеліна і Самаркіна Арына. Майстра паэтычнага слова прачытала гасцям вечарыны некалькі вершаў. Цудоўныя песні і музычныя кампазіцыі падаравалі гасцям вечарыны салісты дзіцячай школы мастацтваў імя М.К.Агінскага Антонава Ксенія, Сухалет Таццяна, салісты цымбальнага аркестра імя А.Дзяругі Вольга Грагоўская і Яўгенія Ломаць, удзельніца народнага хора ветэранаў Смаргонскага раённага цэнтра культуры Валянціна Бажыдай, якая яшчэ прачытала і ўласныя вершы.
23 верасня ва ДУА «Сярэдняя школа №6 г. Смаргоні» адбыўся адзіны дзень інфармавання – “ШАГ” - Школа Актыўнага Грамадзяніна”. У сустрэчы з калектывамі 10-11 класаў прыняла ўдзел навуковы супрацоўнік УК “Смаргонскі гісторыка - краязнаўчы музей” Самаркіна В.І. У ходзе гутаркі рабяты даведаліся аб ролі музеяў у культурна-асветніцкім жыцці грамадства пасродкам інтэрпрэтацыі музейных калекцый, захаванні прадметаў даўніны і прапагандзе гісторыка-культурнай спадчыны, патрыятычным выхаванні моладзі.
Учора, 16 верасня, у Смаргонскім гісторыка-краязнаўчым музеі адбылося ўрачыстае адкрыццё выставы “Дзякуй зямлі, што мяне нарадзіла”, прысвечаная дзеячам культуры і мастацтва Смаргоншчыны.
Музычныя кампазіцыі ў выкананні Вольгі Грагоўскай, кіраўніка цымбальнага аркестра імя А. А. Дзяругі і салісткі Яўгеніі Ломаць, распачалі мерапрыемства, надаўшы вечару своеасаблівы каларыт. Таксама госці выставы змаглі пазнаёміцца з узыходзячай зоркай літаратурнага небасхіла Палінай Дваранскай, вучаніцай 9 класа Крэўскай сярэдняй школы, якая зачытала ўласныя вершы.
На выставе прадстаўлены работы знакамітых мастакоў, скульптараў; асабістыя рэчы і фотаздымкі вядомых музыкантаў. Літаратурная спадчына дазволіла нашым наведвальнікам убачыць кнігі аўтараў-землякоў розных пакаленняў. Народныя традыцыі і сёння прадаўжаюць майстры і рамеснікі Смаргоншчыны. Іх працы, выкананыя ў розных тэхніках дэкаратыўна-прыкладнога мастацтва, сталі сапраўдным упрыгожваннем выставы.
Сардэчна запрашаем усіх жадаючых наведаць выставу “Дзякуй зямлі, што мяне нарадзіла” і пазнаёміцца з творчасцю нашых землякоў.
Выстава працуе да 17 кастрычніка.
Кошт уваходнага квітка: дарослы – 2 рублі, дзіцячы – 1 рубель.
11 верасня 2021 года у Крэўскім замку прайшоў фестываль “Беларусь у вайне 1812 года”. На тэрыторыі замка працавалі анімацыйныя пляцоўкі: лагер французскіх і рускіх войскаў і ваенна-палявая кухня. У кожным лагеры працавалі рэканструктары, якія распавядалі турыстам аб структуры, абмундзіраванні, узбраенні армій, а таксама гісторыю баявых падзей вайны 1812 года. Кожныя 30 хвілін рэканструктары арганізоўвалі імправізаваны бой з удзелам турыстаў, якіх у сонечны вераснёўскі дзень на Крэўскім замку было вельмі шмат. Асаблівым упрыгажэннем пляцоўкі стала аўтэнтычная гармата часоў Напалеона, якая належыць арганізатару фестывалю Андрэю Кацько.
