Навіны

11 красавіка адзначыў свой 75-гадовы юбілей наш вядомы зямляк Уладзімір Васільевіч Церабун. Член Беларускага саюза мастакоў, заслужаны дзеяч мастацтваў Рэспублікі Беларусь, лаўрэат прэміі Ленінскага камсамола Беларусі, Ганаровы грамадзянін Смаргоні, скульптар, мастак, графік. Яго творы ўстаноўлены ў розных кутках Беларусі, а наш родны горад упрыгожваюць восем яго работ. Сапраўдны сябра Смаргонскага музея, які з задавальненнем удзельнічае ў нашых мерапрыемствах і дапамагае ў іх арганізацыі, які папаўняе музейныя фонды сваімі работамі. Сардэчна віншуем Вас, паважаны Уладзімір Васільевіч, і жадаем моцнага здароўя, творчых поспехаў і натхнення!

     11 красавіка адзначаецца Міжнародны дзень вязняў нацысцкіх канцлагераў. У гэты дзень у 1945г. зняволенныя канцлагера Бухенвальд, што на тэрыторыі сучаснай Бельгіі, паднялі паўстанне і тым самым здолелі здабыць свабоду.

9 красавіка 2021г.  у філіяле “Гарадская бібліятэка №3” Смаргонскай раённай бібліятэкі прайшло мерапрыемства, падрыхтаванае супрацоўнікамі бібліятэкі, прысвечанае памятнай даце. Галоўны  захавальнік фондаў УК “Смаргонскі гісторыка-краязнаўчы музей” Павел Пятровіч Картавік выступіў с прэзентацыяй, у якой распавёў гісторыю стварэння канцлагераў на тэрыторыі нацысцкай Германіі і на землях акупаваных краін. Таксама вялікая ўвага была нададзена ўмовам утрымання зняволеных, жудасным спосабам знішчэння людзей, якія ўжываліся нацыстамі. Былі прадстаўлены  ілюстрацыі архіўных фотаздымкаў з канцлагераў Асвенцым, Бухевальд, Маутхаузен, Раверсбрюк. Напрыканцы свайго выступлення  галоўны захавальнік распавёў пра тры  канцлагеры, якія знаходзіліся на тэрыторыі Смаргонскага раёна. Пасля слова было прадастаўлена вязню лагера на терыторыі Усходняй Прусіі, які распавёў сваю гісторыю перажытага ў гады вайны. Завяршылася мерапрыемства чуллівым чытаннем фрагмента паэмы Р. Раждзественскага “Рэквіем”.

8 красавіка 2021 года галоўны захавальнік фондаў УК “Смаргонскі гісторыка-краячзнаўчы музей” Павел Пятровіч Картавік правёў сустрэчу з вучнямі 11 класа сярэдняй школы  №3 г. Смаргоні на тэму “Роля музеяў у захаванні матэрыяльнай і духоўнай спадчыны”. Вучні даведаліся аб працэсе збору, вывучэння і папулярызацыі матэрыяльнай і духоўнай культуры Смаргоншчыны . Маладыя людзі актыўна задавалі пытанні і былі вельмі ўдзячныя за змястоўны і пазнавальны расповед.

Фотаконкурс "СЛАВУТАСЦІ МАЁЙ МАЛОЙ РАДЗІМЫ" 
(да Міжнароднага дня помнікаў і гістарычных мясцін) 
Правілы фотаконкурсу вельмі простыя! 
1. Размяшчайце фотаздымкі помнікаў архітэктуры і гістарычных мясцін Смаргонскага краю ў каментарах пад публікацыяй аб дадзеным конкурсе на старонках музея ў сацыяльных сетках "Вконтакте», «Аднакласнікі», «Фэйсбук». 
2. Пакідайце свае подпісы пад фота (па жаданні апісанне і назву фотаздымка). 
3. Запрашайце сваіх сяброў паўдзельнічаць у конкурсе, стаўце лайкі і пакідайце каментары пад фота. 
Работы прымаюцца з 9 па 18 красавіка. 
Пераможцы конкурсу будуць аб’яўлены 22 красавіка! Аўтары трох работ будуць узнагароджаны цікавымі прызамі! 
Чакаем вашых фотаздымкаў і жадаем поспехаў усім удзельнікам!!!

"КРЭЎСКІ ШЛЯХ" - 46 руб.

“ПРАВАСЛАЎНЫЯ СВЯТЫНІ СМАРГОНШЧЫНЫ” - 62 руб.

"ПА СЛЯДАХ ТЫШКЕВІЧА" - 87 руб.

“НАЦЫЯНАЛЬНЫЯ СКАРБЫ: АД СЕРГІЕВІЧА ДА БАГУШЭВІЧА" - 33 руб.

АБ`ЕКТЫ
1. УК “Смаргонскі гісторыка-краязнаўчы
    музей” (г. Смаргонь, вул. Кутузава, 23)
2. Руіны храма ў в. Наваспаск
3. Гарадзішча ў аг. Крэва
4. Руіны Крэўскага замка 
5. Царква Аляксандра Неўскага ў аг. Крэва
6. Касцёл Перамянення Пана ў аг. Крэва

АБ`ЕКТЫ
1. УК “Смаргонскі гісторыка-краязнаўчы
    музей” (г. Смаргонь, вул. Кутузава, 23)
2. Спаса-Праабражэнскі сабор у г. Смаргоні
3. Царква Пакрова Прасвятой Багародзіцы
    ў в. Міхневічы
4. Царква Святога духа ў в. Сукневічы
5. Царква Іконы Божай Маці “Усіх
    Смуткуючых Радасць” у в. Кеўлы
6. Уведзенскі Стаўрапігіяльны жаночы
    манастыр у в. Багушы
7. Царква Аляксандра Неўскага ў аг. Крэва

АБ`ЕКТЫ
1. УК “Смаргонскі гісторыка-краязнаўчы
    музей” (г. Смаргонь, вул. Кутузава, 23)
2. Касцёл Прасвятой Троіцы ў в. Данюшава
3. Вадзяны млын 19 ст. ў аг. Жодзішкі
4. Былая сядзіба 18 ст. ў аг. Жодзішкі
5. Касцёл Прасвятой Троіцы ў аг. Жодзішкі
6. Касцёл Маці Божай Добрай Рады
    ў в. Нястанішкі
7. Ансамбль былога палаца Гюнтэраў у
    в. Дабраўляны
8. Касцёл Святога Апостала Тадэвуша
    ў аг. Вішнева

АБ`ЕКТЫ
1. УК “Смаргонскі гісторыка-краязнаўчы
    музей” (г. Смаргонь, вул. Кутузава, 23)
2. Касцёл Маці Божай Ружанцовай у аг. Солы
3. Капліца - пахавальня Качаноў у в. Івашкаўцы
4. Музей-сядзіба Ф.Багушэвіча ў аг. Кушляны

31 сакавіка 2021 года была праведзена сумесная працоўная акцыя Смаргонскага гісторыка-краязнаўчага музея і РА ГА “БРСМ”, арганізаваная аддзелам культуры райвыканкама, па добраўпарадкаванні тэрыторыі гісторыка-культурнага комплексу “Залатая горка”. У ёй прынялі ўдзел супрацоўнікі музея і актывісты БРСМ першасных арганізацый лясгаса, ЖКГ, ЖРЭС, сілікатабетоннага завода, санэпідэмстанцыі, РАНС, філіяла “Жодзішкі”.

Прыбраная Залатая горка ўжо гатова сустракаць наведвальнікаў, якія цікавяцца гісторыяй сваёй краіны. На аб’екце вы можаце ўбачыць дзве варонкі, якія ўтварыліся ў выніку падрыва Залатой горкі (вышыні 72,9 м). На дадзенай вышыні ў часы Першай сусветнай вайны размяшчаўся нямецкі назіральны пункт. Сёння гэта гістарычнае месца з’яўляецца напамінкам аб гераічным мінулым Смаргоншчыны.

Фота гл. ў раздзеле ФОТАГАЛЕРЭЯ.

Вось такую класную сумку-шопер маладога  Смаргонскага мастака і дызайнера  Данііла Дзямко можна набыць у нашым музеі! Заставайцеся ў ЭКА- і ў ЭТНА-трэндзе разам з намі!

12 сакавіка 2021 года ва ўстанове культуры “Смаргонскі гісторыка-краязнаўчы музей” адбылося ўрачыстае адкрыццё выставы “Маляваныя дываны Ніны Бохан”. На выставе шырока прадстаўлены маляванкі самабытнай мастачкі, аб якіх стала вядома беларускаму грамадству дзякуючы даследчай дзейнасці журналісткі Галіны Антонавай і сябра Студэнтскага этнаграфічнага таварыства Аляксея Крукоўскага.

 Ніна Бохан – жанчына са складаным лёсам, якая хадзіла ад вёскі да вёскі ў пошуках прытулку, і ў якасці падзякі людзям, што яе прымалі, малявала на дыванах, цыратах, посцілках, проста на сценах свае жывыя, сакавітыя, незвычайныя творы. Сёння шэраг яе работ знаходзіцца ў музеі, і кожны можа прыйсці і бліжэй пазнаёміцца з яскравай прадстаўніцай беларускай народнай творчасці. У рамках выставы таксама  можна даведацца аб паспяховым укараненні народнага мастацтва па матывах маляванак Ніны Бохан у выхаваўча-адукацыйную дзейнасць і пазнаёміцца з работамі маладых дызайнераў, натхнёных творамі мастачкі.

Больш фота гл. ў ФОТАГАЛЕРЭІ

У рамках акцыі "Адзіны дзень бяспекі" ва ўстанове культуры" Смаргонскі гісторыка-краязнаўчы музей" адбылася інфармацыйная сустрэча на тэму "Эвакуацыя пры пажары" з удзелам спецыяліста Смаргонскага РАНС Надзеі Вайнілка.

Больш фота глядзі ў ФОТОАГАЛЕРЭІ