Навіны
12 студзеня 2022 года ў РЦК г. Смаргоні прайшла вечарына “Хвіліны творчага натхнення” ў гонар Уладзіміра Васільевіча Церабуна - беларускага скульптара, графіка, мастака, члена Беларускага саюза мастакоў, заслужанага дзеяча мастацтваў Рэспублікі Беларусь.
Напачатку мерапрыемства госці наведалі выставу-продаж жывапісных работ Уладзіміра Церабуна. Затым прысутных запрасілі прайсці ў канцэртную залу, дзе і распачалася вечарына-імпрэза. Аповед аб творчасці скульптара дапаўняўся праглядам фільмаў: “Расстраляная песня”, аб манументальных творах, а таксама “Жыццё ў мастацтве. Скульптар Уладзімір Церабун” з цыкла перадач “Камертон”.
Уладзімір Васільевіч расказаў аб сямейнай дынастыі, выказаў сваё бачанне развіцця манументальнага мастацтва ў родным горадзе, а таксама выканаў любімыя рамансы, пад уласны акампанемент.
Апладысментамі і шчырымі словамі падзякі госці выказвалі свае адносіны да творчасці скульптара – земляка.
Спадчынай, якую назапасіў Уладзімір Васільевіч, можна ганарыцца.
Музей не работает 1 и 2 января 2022 года
в связи с выходными и праздничными днями
Напярэдадні зімовых святаў Смаргонскі музей запрасіў дзетак і іх бацькоў на святочную вечарыну “І запалілася Калядная зорка”. Гасцей мерапрыемства чакалі сустрэчы з персанажамі беларускіх рэлігійных традыцый родных часоў, прыемныя сюрпрызы і падарункі. Адзін з герояў свята, Каляда, распавёў аб старажытнай традыцыі святкавання Калядаў. Рэлігійны персанаж Раство нагадаў аб хрысціянскім свяце Нараджэння Хрыстова. Цыганскі барон Ян Марцінкевіч з мядзведзем Барутам былі галоўнымі калядоўшчыкамі, што завіталі да гаспадынькі-абараначніцы і пацешылі гасцей святочнага вечара. З вялікім задавальненнем дзеці дапамагалі Снягурачцы шукаць Дзеда Мароза, які трапіў у завею, а знайшоўшы, разам запальвалі агеньчыкі на святочнай елачцы. Упрыгажэннем вечара стала тэматычная пляцоўка “Раство Хрыстова”, якая стварыла атмасферу казачнасці.
Віншуем усіх з надыходзячымі святамі Раства Хрыстова і Новым годам!!!
З найлепшымі пажаданнямі, Ваш Смаргонскі гісторыка-краязнаўчы музей!
“Смаргонскія найгрышы”атрымаюць статус гісторыка-культурнай каштоўнасці. Гэта першы прыклад выканальніцкага мастацтва, які будзе ўключаны ў Дзяржаўны спіс гісторыка-культурных каштоўнасцей Рэспублікі Беларусь пасля прыняцця адпаведнага рашэння Міністэрства культуры. У Смаргонскім гісторыка-краязнаўчым музеі цягам 2022 года будзе створаны экспазіцыйны куток, прысвечаны інструментальнай традыцыі Смаргоншчыны.
15 снежня ў Смаргонскім музеі адбылося ўрачыстае адкрыццё дабрачыннай выставы “Ангел в твоём сердце”. У музейнай зале прадстаўлены лепшыя работы, створаныя юнымі мастакамі – навучэнцамі мастацкага аддзялення ДУА “Смаргонская дзіцячая школа мастацтваў імя М.К.Агінскага”.
Музычныя кампазіцыі вакалісткі Тамашэвіч В. і ўзорнага струннага ансамбля “Завадныя смычкі” стварылі цудоўны настрой. З прывітальным словам да прысутных звярнулася дырэктар Смаргонскага гісторыка-краязнаўчага музея Бобіна А.В. Сярод гасцей на адкрыцці выставы прысутнічалі дырэктар Смаргонскай дзіцячай школы мастацтваў імя М.К.Агінскага Елфімава Н.В., навучэнцы гімназіі, дырэктар ДУА “Смаргонскі сацыяльна-педагагічны цэнтр” Татарынава Л.Г. і выхаванцы дзіцячага прытулка, якія з задавальненнем удзельнічалі ў майстар - класе па выцінанцы, падрыхтаваным педагогам Пахомавай М.П., а на прыканцы мерапрыемства ад школы мастацтваў атрымалі падарункі.
Сродкі, сабраныя ад наведвання выставы, будуць пераведзены на дабрачынны рахунак Беларускага дзіцячага фонда.
Выстава працуе з 15.12.2021г. па 08.01.2022г.
Кошт уваходнага квітка: 1рубль - дзіцячы, 2 рублі – дарослы.
Чакаем Вас на выставу “Ангел в твоём сердце“!
Сморгонский зональный центр гигиены и эпидемиологии информирует, что в рамках Единого дня здоровья «18 ноября – Всемирный день некурения. Профилактика онкологических заболеваний» по инициативе санитарно-эпидемиологической службы Республики Беларусь в период с 22 по 26 ноября 2021 года на территории Республики Беларусь проводится республиканская антитабачная информационно-образовательная акция «Ваши скидки с карточкой ЗОЖ».
Предлагаем поддержать республиканскую информационно-образовательную акцию и провести в учреждениях культуры культурно-образовательные, культурно-массовые мероприятия, пропагандирующие здоровый образ жизни и направленные на профилактику потребления табачных и никотиносодержащих изделий.
Со своей стороны предлагаем сотрудничество и методическую помощь в проведении мероприятий акции. Контактный телефон 37991.
11 лістапада, напярэдадні рэспубліканскай акцыі “Только вместе мы едины”, Смаргонскі музей запрасіў да сябе сяброў грамадскага аб’яднання інвалідаў “Жизнь без границ” і спецыялістаў аддзялення дзённага знаходжання інвалідаў УТЦСАН ”Тёплый дом” г. Смаргоні. Гасцям прапанавалі прайсці па экспазіцыі “Дарогай сустрэч” і акунуцца ў гістарычнае мінулае Смаргоншчыны. У першай зале “Крэва ў XIV – XVII стст.” распавялі пра лёс Крэўскага замка - мінулае і сучаснае. Здзівілі наведвальнікаў і музейныя прадметы, знойдзеныя пад час археалагічных раскопак. Другая зала “Шляхамі кірмашовымі” запрасіла гасцей на смаргонскі кірмаш, які славіўся вучонымі мядзведзямі і абваранкамі. Трэцяя зала “Свет і цемра. Стагоддзе ХХ-е” нагадала аб лёсе смаргонскага краю ў гады Першай сусветнай і Вялікай Айчыннай вайны. У чацвёртай зале “Мы ўсе ў край свой закаханы” госці азнаёміліся з жыццёвым і творчым шляхам землякоў, дзеячаў культуры, якіх узгадавала малая радзіма.
Выказваем словы падзякі загадчыку аддзялення дзённага знаходжання інвалідаў УТЦСАН ”Тёплый дом” Рауценка І.Ю. і старшыні грамадскага аб’яднання інвалідаў “Жизнь без границ” Шмаціна Я.В. і таксама маем надзею на далейшае супрацоўніцтва.
З Вамі і для Вас Смаргонскі музей!
