Галоўная Афіша Навіны Мы прапануем Прэйскурант Зваротная сувязь

Аб нас
Нашы дасягненні
Фонды
Гісторыя
Інфармацыя
Архіў навін
3D Модель

 

 

 

Каталог TUT.BY

 

 

 

 

 

 

Фонды

Абласныя музеі:


Усе фондавыя калекцыі музея пачалі фарміравацца ў 1984 годзе.

Музейны фонд УК “Смаргонскі гісторыка-краязнаўчы музей” па стану на 1 студзеня 2018 г. складаецца з 10925 музейных прадметаў асноўнага і 5111 – навукова-дапаможнага фонда, якія размеркаваны па 15 музейных калекцыях:

Калекцыя помнікаў рэчавага тыпу ў Смаргонскім гісторыка-краязнаўчым  музеі самая вялікая. У іх склад уваходзяць калекцыі: дэкаратыўна-прыкладнога мастацтва, археалогіі, зброі і вайсковага рыштунка, прадметаў з гісторыі тэхнікі, прадметаў побыту і этнаграфіі, нумізматыкі, баністыкі, фалерыстыкі. На 1 студзеня 2017 года яна налічвае 6704 адзінак асноўнага і 418 адзінак навукова-дапаможнага фонда. У склад выяўленчых  помнікаў уваходзяць калекцыі: жывапісу, графікі і скульптуры (усяго 1496 адзінак асноўнага і 397 навукова-дапаможнага фонда). Калекцыя помнікаў пісьмовага тыпу, якая ўключае дакументы, рукапісы і друкаваныя выданні, налічвае  2008 адзінак асноўнага і 1269 навукова-дапаможнага фондаў. Аудыёвізуальныя крыніцы  складаюцца з калекцыі фотадакументаў. На 1  студзеня 2017 года 591 адзінак асноўнага і 3080 адзінак навукова-дапаможнага фонда. Калекцыя натуральна-гістарычных помнікаў прадстаўлена прыродазнаўчай калекцыяй, якая налічвае 9 адзінак асноўнага фонда.

Жывапіс

Калекцыя жывапісу налічвае 388 адзінкі. У склад калекцыі жывапісу ўваходзяць:  карціны прафесійных і  самадзейных мастакоў, праваслаўныя і каталіцкія іконы канца ХІХ – пач. ХХ ст.ст.. Найбольш цікавыя прадметы з калекцыі – карціны Л. У. Трохалевай (краявіды Смаргоншчыны), ікона “Святой Пантелеймон” сяр. XIX ст. з іканапіснай майстэрні Афонскага манастыра (Грэцыя).

Крайнія даты прадметаў – сяр. ХІХ ст. – 2011 г. 

    Наверх

Графіка

На 1 студзеня 2017г. калекцыя графікі налічвае 1062 адзінак асноўнага і 373 навукова-дапаможнага фонда. У яе склад  малюнкі і графічныя творы мясцовых мастакоў, грамадска-палітычныя плакаты, афішы канцэртаў Народнага ансамбля песні і танца імя Агінскага Смаргонскага РДК, канцэртаў Акадэмічнага хору Белтэлерадыё пад кіраўніцтвам В.У. Роўды і інш; акварэлі У.В. Церабуна; тапаграфічныя карты розных гадоў, на якіх адзначана Смаргонь, паштоўкі, літаграфія Напалеона Орды “Крэўскі замак”. Найбольш цікавыя з іх карта польскага каралеўства 1841 года выдадзена ў Лондане, копія карты Вялікага княства Літоўскага, выдадзеная ў 1643г. у Амстэрдаме, літаграфія Напалеона Орды “Крэўскі замак”.

Крайнія даты  прадметаў 1643- 2016 гг.

Скульптура

На 1 студзеня 2017г. калекцыя скульптуры налічвае 46 адзінак асноўнага і 9 навукова-дапаможнага фонда. У яе склад уваходзяць працы Ул. Церабуна і  А. Жываева.

Крайнія даты прадметаў 1970—2014 гг.

    Наверх

Дэкаратыўна-прыкладное мастацтва

На 1 студзеня 2017г. калекцыя прадметаў дэкаратыўна-прыкладнога мастацтва налічвае 222 адзінкі асноўнага і 48 адзінак навукова-дапаможнага фонда. У яе склад уваходзяць: літургічнае начынне: чары, лампады, крыжы, складні; разьба па дрэве, размалёўкі па дрэве, драўляная скульптура, пано, керамічныя і дэкаратыўныя вазы, пасудзіны, сувенірныя медалі, наборы карзін, вазы плеценыя з лазы, скрынка батлеечная, плеценая з саломкі шматлікая сувенірная прадукцыя – падарункі і вырабы з ільну, скульптура і скульптурныя партрэты.

Крайнія даты прадметаў 1738-2014 гг.

    Наверх

Дакументы

На 1 студзеня 2017г. калекцыя дакументаў налічвае 952 адзінкі асноўнага і 554 адзінак навукова-дапаможнага фондаў. У яе склад уваходзяць: дакументы да 1917г.;  дакументы часоў Першай сусветнай вайны; дакументы аб грамадска-палітычным становішчы краю з 1917 па  1941гг.;  дакументы часоў Вялікай Айчыннай вайны; дакументы аб грамадска-палітычным становішчы краю з 1944г.; граматы, дыпломы ўручаныя прадмпрыемстам і установам, а таксама асобным грамадзянам. Найбольш каштоўныя прадметы з калекцыі – арыгінальныя дакументы часоў Першай сусветнай вайны і акупацыйныя дакументы, франтавыя лісты перыяду Вялікай Айчыннай вайны.

Крайнія даты дакументаў 1851- 2015 гг.

    Наверх

Друкаваныя выданні

На 1 студзеня 2017г. калекцыя друкаваных выданняў налічвае 1052 адзінак асноўнага і 715 адзінак навукова-дапаможнага фонда. У  калекцыю уваходзяць: дарэвалюцыйныя часопісы, кнігі і брашуры; газеты, улёткі, друкаваныя матэрыялы афіцыйных мерапрыемстваў – праграмы, праспекты і інш.; матэрыялы аб выбарах; карткі, спажывецкія талоны; краязнаўчая літаратура, кнігі з аўтарскім подпісам; этыкетачныя матэрыял на прадукцыю смаргонскіх прадпрыемстаў. Найбольш цікавыя прадметы з калекцыі – кніга “Четьи-Минеи” 1811г. выдання, альманах “Великая война в образах и картинах” (выд.1915-1917гг. 11 тамоў). Часопіс “Ніва” за 1916г. і газеты і ўлёткі за 1944г.

Крайнія даты прадметаў 1811 – 2014 гг.

    Наверх

Нумізматыка

На 1 студзеня 2017г. калекцыя нумізматыкі  налічвае 959 адзінак асноўнага і 5 адзінак навукова-дапаможнага фонда. У яе склад уваходзяць: манеты Рымскай імперыі; манеты Вялікага Княства Літоўскага (з раскопак Крэўскага замка); манеты Расійскай імперыі; манеты Вялікабрытаніі, манеты Французкага каралеўства, Манеты Германскай імперыі, манеты Канады, манеты Паўднева-Афрыканскай Рэспублікі, Манеты Рэчы Паспалітай 1920-1930гг; манеты СССР; манеты Расійскай Федэрацыі, манеты Рэспублікі Беларусь; манеты Польскай Народнай Рэспублікі; манеты Греманскай Дэмакратычнай Рэспублікі і іншыя. Найбольш каштоўныя манеты – манеты вялікага Княства Літоўскага.

Крайнія даты 36г. н.э. -2008 гг.

    Наверх

Баністыка

Калекцыя баністыкі налічвае 448 адзінку. Калекцыю папяровых грошай складаюць папяровыя грошы Расійскай імперыі, польскія маркі 1919 – 1920 гг., польскія папяровыя грошы 1921 – 1939 гг., акупацыйныя нямецкія маркі 1941 – 1945 гг., папяровыя грошы РСФСР 1919 г., папяровыя грошы СССР, Украіны, Нікарагуа, ПНР, аблігацыі СССР. Найбольш цікавыя рэчы з калекцыі  - польскія маркі 1919 – 1920 гг.

Крайнія даты прадметаў: 1898 – 2005 г.г.

    Наверх

Археалогія

Калекцыя археалогіі налічвала 3209 адзінак. Найперш – гэта матэрыялы з раскопак Крэўскага замка: посуд, кафля, замкі, ключы, нажы, наканечнікі стрэлаў, спражкі, фрагменты посуду, непаліўная кераміка. Найбольш цікавыя прадметы археалогіі – адрэстаўрыраваны посуд, кафля, замкі, нажы.

Крайнія даты ХІV –  ХVІІ ст.ст.

    Наверх

Фалерыстыка

На 1 студзеня 2017г. калекцыя фалерыстыкі налічвае 705 адзінак асноўнага і 7 адзінак навукова-дапаможнага фонда. У яе склад уваходзяць: ордэны і медалі ўдзельнікаў Вялікай Айчыннай вайны; узнагароды СССР і ПНР; пячатка і штамп Смаргонскага касцёла; значкі вытворчасці СССР. Найбольш каштоўныя прадметы з калекцыі – медаль у гонар Крымскай вайны з вензелямі Мікалая I і Аляксандра II, ордэн “Прасвятога белага слана” (Каралеўства Таіланд), ордэн “кароны Італіі” (Італьянскае каралеўства), медалі “За освобождение Кореи” “Китайско-советская дружба” уручаныя вецерану ВАВ Лігуце М.Я.

Крайнія даты 1856-2009 гг.

    Наверх

Зброя і баепрыпасы. Вайсковы рыштунак

На 1 студзеня 2017г. калекцыя збороі, баепрыпасаў і вайсковага рыштунка налічвае 94 адзінакі асноўнага і 145 адзінак навукова-дапаможнага фонда. У яе склад уваходзяць: штыкі, гільзы  і галоўкі ад снарадаў, спражкі, фляжкі, лекавыя ампулы, нямецкая каска, клінок з даравальным надпісам, каска чырвонаармейца і інш.

На наш погляд самымі каштоўнымі прадметамі калекцыі зброі і баепрыпасаў з’яўляюцца планшэт для лётнай карты 1940-ых гг, які належыў марскому лётчыку, вецерану ВАв Лігуце М.Я, клінок з даравальным надпісам Хайлова С.М.

Крайнія даты 1915 – 1973 гг.

    Наверх

Прадметы з гісторыі тэхнікі

На 1 студзеня 2017г. калекцыя прадметаў з гісторыі тэхнікі налічвае 205 адзінак і 32 адзінкі навукова-дапаможага фонда. У яе склад уваходзяць: прылады для апрацоўкі ільну, прылады для хатняга ткацтва; сталярныя інструменты; сельскагаспадарчы інвентар; прылады для фатаграфавання; радыётэхніка; гадзіннікі вытворчасці СССР і іншыя. Найбольш цікавыя прадметы: прылады для фатаграфавання  1940-ых гг., машына пральная СМР – 2, 1957 г. Першая мадэль пральнай машыны ў СССР.

Крайнія даты калекцыі 1930-ыя – 2006 гг.

    Наверх

Прадметы побыту і этнаграфіі

Па стану на 1 студзеня 2017г. калекцыя прадметаў побыту налічвае 862 адзінкі асноўнага і 124 адзінкі  навукова-дапаможнага фонда. У яе склад уваходзяць: посцілкі, рушнікі, абрусы, сувоі саматканага льнянога і суконнага палатна; мэбля; прадмета хатняга ўжытку; карункі, шкляныя вырабы; батлеечныя лялькі, цацкі з гліны, адзенне; абутак; вексікалогія. Найбольш цікавыя прадметы з калекцыі – саматканыя рушнікі.

Крайнія даты – пач. ХХ-га ст. – 2000-ыя гг.

    Наверх

Фотадакументы

На 1 студзеня 2017г. калекцыя фотадакументаў налічвае 591 адзінку асноўнага і 3080 адзінак навукова-дапаможнага фонда. У яе склад уваходзяць: фотадакументы да 1917г.; Смаргоншчына з 1917 па 1941 гг.; Смаргоншчына ў гады Вялікай Айчыннай вайны; фотаздымкі аб грамадска-палітычным і эканамічным жыцці раёна пасля 1944г. Найбольш цікавыя прадметы з калекцыі – віды горада Смаргоні ў пачатку ХХ-га ст.

Крайнія даты прадметаў пачатак ХХ- га ст. – 2015гг.

    Наверх

Прыродазнаўчая калекцыя

Калекцыя налічвае 9 адзінак асноўнага. У яе склад уваходзяць: чучалы птушак, мядзведзя, галава касулі, галава шчупака.


 Наверх

 

 e-mail© Смаргонскі гісторыка-краязнаўчы музей, 2011